ԴՊՐՈՑԻ ՊԱՏՄՈՒԹՅՈՒՆԸ

Արարատ քաղաքի հ.4 հիմնական դպրոցը հիմնադրվել է 1976 թվականին Խանջյան փողոցի №63 շենքում: Դպրոցը գործում է հիմնադրման օրվանից առ այսօր: Այն երկհարկ շենք է, ունի յոթ մասնաշենք: Նրա մակերեսը կազմում է 5560 քառակուսի մետր: Ունի հանդիսությունների մեծ դահլիճ, սպորտային դահլիճ: Դպրոցամերձ տարածքը 4800մ քառակուսի է: Դպրոցի առաջին տնօրեն նշանակվել է մասնագիտությամբ իրավաբան Մարտին Բարսեղյանը,ով պաշտոնավարել է ընդամենը 2 ամիս:Այնուհետև տնօրեն է նշանակվել Վահան Ալթունյանը: Նրա տնօրենության օրոք դպրոցը մեծ հեղինակություն ձեռք բերեց ոչ միայն շրջանում,այլև հանրապետությունում: Սակայն Արցախյան պատերազմի օրերին ծագումով արցախցի Վ.Ալթունյանը մեկնում է Արցախ`իր ծննդավայրին օգտակար գործ կատարելու: 1988թ. նրան փոխարինում է Ներսես Ներսեսյանը,ով որպես տնօրեն պաշտոնավարեց մինչև 2011 թվականը: Բոլոր աշակերտների,Արարատ քաղաքի համայնքի կողմից հարգված այս մանկավարժն այժմ անցել է իր վաստակած հանգստին: 2011թ. սեպտեմբերին տնօրենի պաշտոնը ստանձնել և առ այսօր անսահման նվիրումով կատարում է Նուրիցա Փանոսյանը,ով ոչ միայն հմուտ մասնագետ ու մանկավարժ է,այլև լավ ղեկավար:Նա օժտված է անսպառ եռանդով,ուժեղ բնավորությամբ,ողջախոհությամբ, ուսումնական հաստատության ղեկավարի լավագույն ձիրքերով :Նրա պաշտոնավարման տարիներին դպրոցը կրկին զարթոնք ապրեց,դարձավ ոչ միայն Արարատ քաղաքի ու տարածաշրջանի ,այլև մարզի լավագույն կրթօջախներից մեկը՝տարեցտարի ունենալով նորանոր ձեռքբերումներ ու հաղթանակներ:Ունենալով համերաշխ ու միասնական մանկավարժական կազմ,ծնողական ու աշակերտական խորհուրդ՝ դպրոցն օրավուր բարեկարգվում և ամեն սերնդի հետ նորանում է:Այն մեր մարզի՝ռուսաց լեզվի խորացված ուսուցմամբ եզակի դպրոցներից է: Դրանով հանդերձ՝այստեղ բարձր մակարդակի վրա են գտնվում հայեցի կրթությունը, ռազմահայրենասիրական և գեղագիտական դաստիարակությունը: Դպրոցում գործում են երգի ու պարի խմբակներ,որոնք հարուստ ու բովանդակալից են դարձնում ոչ միայն դպրոցական,այլև համաքաղաքային միջոցառումները: Մեր աշակերտներն ամեն տարի մասնակցում են քաղաքային ,մարզային,հանրապետական տարաբնույթ մրցույթների,օլիմպիադաների,փառատոնների և վերադառնում պատվոգրերով , դիպլոմներով ու մրցանակներով: Դպրոցում պարբերաբար անցկացվում են գեղեցիկ ու բովանդակալից բաց դասեր, զանազան միջոցառումներ, արշավներ, հետաքրքիր ու նպատակային էքսկուրսիաներ… Այսօր,երբ տարիների հեռավորությունից նայում ենք մեր անցած ուղուն,հպարտանում ենք,որ ունենք հենց այսպիսի դպրոց՝հարազատ տուն ու սիրելի կրթօջախ… արդեն




ԱՇԽԱՏԱԿԱԶՄԻ ՂԵԿԱՎԱՐՆԵՐ

ԱՎԵԼԻՆ


ԱՇԱԿԵՐՏԱԿԱՆ ԽՈՐՀՐԴԻ ԱՆԴԱՄՆԵՐ



ԾՆՈՂԱԿԱՆ ԿՈՄԻՏԵԻ ԱՆԴԱՄՆԵՐ